நீ நீபாட்டுக்குத்தான்
இருக்கிறாய்
நான் நான்பாட்டுக்குத்தான்
இருக்கிறேன்
இந்த கண்ணுதான்
சொன்னபடி கேட்குறதே
இல்லை...!
---------------------------------------------
உன் சிரிப்பைவிட
அழகானதும் இல்லை
ஆபத்தானதும் இல்லை
உன் நினைவுகளை சேமித்தே
என் இதயத்தின் கனம்
கூடிவிட்டது..!
--------------------------------------------
உன் புகைப்படம்
பார்த்துக்கொண்டிருக்கும்
என்னிடம் கேட்டார்கள்
நண்பர்கள்
என்ன செய்கிறாய்..?
சற்றும் யோசிக்காமல் சொன்னேன்
கவிதை
வாசித்துக்கொண்டிருக்கிறேன்..!
---------------------------------------------
வல்லுநர்கள்
திகைத்துக்கொண்டிருக்கிறார்கள்
அழகான பூக்களில்
உன்னை எந்த வகையில்
சேர்ப்பது என்று..!
----------------------------------------------
பிழையில்லா பிரம்மன்
படைப்பு நீ
உன் அழகை வர்ணிக்க
வார்த்தைகள் இல்லாததால்
கொஞ்சம் பூக்களை
சேகரிக்கிறேன்..!
---------------------------------------------
தயவுசெய்து
தாவணி மட்டும் அணியாதே
உனது “இடை”வெளியை
அதிகரிக்குது
நமது இடைவெளியை
குறைக்குது..!
---------------------------------------------
அழகான கவிதை
எழுதித்தரவேண்டும்
என்கிறாய்
“மக்கு... மக்கு...”
உன்னைப்பற்றி
எழுதினாலே போதுமே..!
---------------------------------------------
உன்னுடன் நான்
சண்டை போடுவதெல்லாம்
இறுதியில் கிடைக்கும்
அந்த ஒற்றை
முத்தத்துக்காகவே..!
---------------------------------------------
உருவகங்களே இல்லாத
கவிதையும் அழகாகிறது
உன் உருவத்தை
வர்ணிக்கும்போது மட்டும்..!
----------------------------------------------
பருகிக்கொண்டே
இருக்கிறேன்
பசித்துக்கொண்டே
இருக்கிறது
மனசு..!
---------------------------------------------
உனக்கென்ன...
ஒரு பார்வை
வீசிவிட்டு
சென்றுவிடுகிறாய்
எனக்குத்தான்
பக்கம் பக்கமாய்
கிழிகிறது
மனசு..!
---------------------------------------------
காலையில்
ஒரு குவளை
காபியும்
உனது கவிதையும்
போதும்
வாழ்க்கை சுகமாகிவிடும்..!
---------------------------------------------
ஜன்னலின் அருகே
நீ படிக்கிறாய்
ஜன்னல் வழியாக
உன்னை படிக்கிறேன்
நான்..!
-----------------------------------------
நல்ல காதல் கவிதைகள்.வாழ்த்துக்கள்.
பதிலளிநீக்குஇடைவெளி, மக்கு... மக்கு... கவிதை
பதிலளிநீக்குவாசித்துக்கொண்டிருக்கிறேன், உட்பட அனைத்தையும் ரசித்துக் கொண்டிருக்கிறேன்...
வாழ்த்துக்கள்...
அருமையான வரிகள்.
பதிலளிநீக்கு"மனதின் பசி" இன்னும் வித்தியாசமாக இருக்கிறது.
வாழ்த்துக்கள்.
காதல் பேசும் வரிகள்..
பதிலளிநீக்குரசித்தேன்
காதல் கவிதையா?! அசத்துங்க
பதிலளிநீக்குநீ படித்துக் கொண்டிருக்கிறாய், உன்னை நான் படித்துக் கொண்டிருக்கிறேன்..... ????? வாத்தியாரையா.... இது தகுமா??? :p
பதிலளிநீக்குஅண்ணா.. அசத்துறீங்க... ஆமா.. அண்ணி ஊர்ல இல்லையா? .. அவங்க போன் நம்பர் கொடுங்க பிளீஸ்... :)
அனைத்தும் அட்டகாசம்... தொடருங்கள்... வாழ்த்துக்கள்...
பதிலளிநீக்கு