வளைந்து கொடுக்கும் பெண்

இன்றைய நவநாகரீக!!! உலகில் பெரும்பாலான குடும்பத்தில் பிரச்சனைகள் அதிகம் வருகிறது. அதுவும் கணவன் மனைவிக்குள்தான் பிரச்சினைகள் அதிகம். திருமணமான ஒரு மாதத்தில் விவாகரத்தில் முடிவடைகிறது. குறிப்பாக நானா? நீயா? என்பதின் பிடிவாதப் போக்குதான் காரணம். இதில் யார் விட்டுக்கொடுப்பது என்பதில் தொடங்கி அனைத்துமே பிரச்சினைதான். தான் மட்டுமே புத்திசாலி என்பது போலவும் மற்றவர்கள் ஒன்றும் தெரியாதவர்கள் என்பது போலவும் சிலபேர் நடந்துகொள்வார்கள். அதிலும் கணவன் என்பவன் தனக்குத்தான் எல்லாம் தெரியும், தான் மட்டுமே முடிவுகள் எடுக்க வேண்டும் என்பதில் பிடிவாதமாய் இருந்தால் அந்த குடும்பம் உருப்பட்ட மாதிரிதான். இதனை ஒரு (தமிழ் தெரிந்த) நண்பனிடம் சொன்னால் திருவள்ளுவரே மனைவியின் பேச்சினை கேட்க கூடாது என்று சொல்லியுள்ளார் எனக்கூறி ஒரு குறளையும் கூறினான்.

மனைவிழைவார் மான்பயன் எய்தார் வினைவிழைவார்

வேண்டாப் பொருளும் அது.  (குறள் சரியா?)

அவர் எதைக்குறித்து எழுதினாரோ... அவரவர் தேவைக்கேற்ப பொருளை எடுத்துக்கொள்கிறோம். எனவே வளைந்து கொடுக்கும் பெண்தான் குடும்பத்திற்கு ஏற்றவள் என அடித்துக்கூறினான்.

சிலபேர் அடக்கமான பெண்தான் வேண்டுமென்று அடம்பிடித்து தாலி கட்டுவார்கள். அடக்கமான பெண் கிடைக்கும்வரை திருமணத்தினை தள்ளி வைத்துக்கொண்டே வருவார்கள். 

உங்களுக்கு எல்லாம் தெரிந்திருக்கலாம். ஆனால் ஒவ்வொரு மனிதனுக்கும் புரிந்து கொள்ளும் திறன், சிந்திக்கும் திறன், அனுபவம் போன்றவற்றில் வித்தியாசம் உள்ளது. தான் சொல்வதுதான் சரி என்பது எப்போதும் சரியாக இருக்காது. எனக்கு ஒரு டவுட் அடக்கம்னா என்ன? வளைந்து கொடுத்தல்னா என்ன? தேடிப்பார்த்தால் கீழே உள்ள படங்களில் இருப்பதுபோல்தான் பொண்ணு கிடைக்கும்போல. எனவே வருங்கால கணவன்மார்களே பார்த்து முடிவு பண்ணுங்கள்.

வளைந்துகொடுக்கும் பெண்

அடக்கமான பெண்