நினைவுகள்

நினைவுகளுக்கு

நரை இல்லை போலும்

மீண்டும் மீண்டும்

அப்போது பிறந்த

குழந்தைபோல்

புதிதாகவே இருக்கிறது

உன் நினைவுகள்

என்மீது சிறுசிறு

எறும்புகள் போல

ஊர்ந்துகொண்டிருக்கிறது

எனக்கு தெரியும்...

எப்போதும் என்னை 

நினைவில் வைத்திருப்பாய்

நினைக்கத்தோன்றும்

முகமும் மறக்க

நினைக்கும் முகமும்

ஒன்றாக இருப்பது

காலத்தின் கோலம்தான்

எப்போதாவது

என்னை மறக்க 

நினைத்தால் 

என்னைப்பற்றிய மிச்ச

நினைவுகளை மட்டுமாவது

வைத்துக்கொள்...

நானும் நினைத்துக்கொண்டிருக்கிறேன்

நினைவுகள்

வரமா? சாபமா?

மனசை அரித்தவள்

ஒளிவெள்ளத்தில்

நிழல் வராது

இருப்பினும்

வருகின்ற திசையினை

நோக்கி தேடுகிறேன்

நேரம் செல்லச் செல்ல

இருட்டத்தொடங்கியது

அறிவு உரைத்தது

இருட்டிலும் நிழல்

வராது என்று..!

மனசு எதையாவது தேடிக்கொண்டே இருக்கிறது. தேடல் நல்லதுதான். அலைபாயும் கடலையும் மனசையும் கட்டுக்குள் கொண்டு வருவது இயலாத.. இயலவே இயலாத காரியம். இருந்தும் இருட்டில் திசையே அறியாத அவள் வரும் திசையினை நோக்கித் தேடுகிறது மனசு.